«SQIF Capital» АҚ клиенттері үшін жаһандық сауда-саттыққа қолжетімділікті кеңейте отырып, Tabadul цифрлы биржа хабына қосылды

«SQIF Capital» АҚ (бұдан кейін – Компания) 18.11.2024 жылы Компания қашықтағы мүше мәртебесіне ие болғанын және Abu Dhabi Securities Exchange (ADX) биржасы құрған Tabadul Digital Exchange Hub (бұдан кейін - Tabadul Hub) электронды сауда жүйесіне қашықтан қол жеткізгенін хабарлайды.

Tabadul Hub жүйесі - бірнеше халықаралық биржаларды біріктіретін жаңашыл цифрлы биржа желісі. Қосылу Компания клиенттеріне жаһандық нарықта инвестициялық мүмкіндіктердің неғұрлым кең спектріне қол жеткізуге мүмкіндік береді.

Бұл стратегиялық серіктестік Компанияның дамуы мен инновацияларға ұмтылысын көрсетеді. Компания Tabadul Hub-қа қосылу Компания клиенттері үшін жаңа инвестициялық мүмкіндіктерге жол ашатынына сенімді.

Әбу-Даби бағалы қағаздар биржасы (ADX) - араб өңіріндегі көлемі жағынан екінші нарық, ол БАӘ Бағалы қағаздар және шикізат тауарлары басқармасы мақұлдаған акциялар, облигациялар, биржалық индекстік құралдар (ETF), деривативтер және басқа да қаржы құралдары саудасын қоса алғанда өнімдер мен қызметтердің кең спектрін ұсынады.